இந்தியாவில் மற்ற மாநிலங்கள் யாவும் தங்களது பட்ஜெட்டை தாக்கல் செய்த பிறகு, கடைசியாக மார்ச் 25 ல் தமிழக சட்டசபையில் 2015-16 நிதியாண்டுக் கான பட்ஜெட்டை முதல்வரும், நிதியமைச்சருமான ஓ.பன்னீர்செல்வம் தாக்கல் செய்திருக்கிறார். இந்த பட்ஜெட் தமிழக மக்களுக்கு பயனளிப்பதாக அமைந்துள்ளதா என்பதை விரிவாகப் பார்ப்போம்.
மாநிலத்தின் மொத்த வருவாயில் பெரும்பகுதி மாநில அரசின் சொந்த வரிவருவாயே ஆகும். வணிக வரி, வாகனங்கள் மீதான வரி, ஆயத் தீர்வை, முத்திரைத்தாள், பத்திரப்பதிவு ஆகியன மாநிலத்தின் சொந்த வரி வருவாயில் முக்கியமானவை ஆகும்.